के गाजाको शिफा अस्पतालको भिडियो फुटेजमा देखिएका व्यक्ति विपिन जोशी नै हुन त ?

प्यालेस्टिनी उग्रवादी समूह हमासले इजरायलमा आकस्मिक हमला गरेर ठूलो संख्यामा सर्वसाधारणको हत्या र अपहरण गरेपछि इजरायली सुरक्षा बल हमासलाई पूर्ण रुपमा नष्ट गर्ने भन्दै गाजापट्टिभित्र प्रवेश गरी स्थलगत युद्धमा होमिएको छ ।

हमासले गाजाका अस्पताल, संयुक्त राष्ट्रसंघका शरणार्थी शिविर तथा विद्यालयहरुलाई नै आतंकवादी गतिविधि सन्चालन गर्ने सुरक्षित स्थलको रुपमा प्रयोग गर्दै आएको भन्ने शुरुदेखि नै इजरायली पक्षको भनाई रहेको थियो । यसै क्रममा गाजाको शिफा अस्पतालको भेटिएको सिसिटिभी फुटेज सार्वजनिक गर्दै त्यसमा बन्धक बनाएर ल्याइएकामध्ये एकजना थाइल्यान्डका नागरिक र अर्का नेपाली हुन भनेर इजरायली आर्मीले पुष्टि गरेको छ ।

भिडियोमा नेपाली नागरिक भनिएका व्यक्ति हराइरहेका नेपाली विद्यार्थी विपिन जोशी नै हुन या अरु नै कोही हुन त ? नेपाली दुतावास इजरायलले पनि एक विज्ञप्ति जारी गरेर इजरायली डिफेन्स फोर्सका प्रवक्ताबाट प्राप्त जानकारीका आधारमा विपिन जोशीलाई हमासले बन्धक बनाएर गाजातर्फ लगेको औपचारिक रुपमा पुष्टि भएको बताएको छ ।

उनलाई हमास आतंककारीहरुले जबरजस्ति हिडाउदै अस्पताल प्रवेश गराएका छन भने अर्का एक थाइ नागरिक (जसको दाया खुट्टाको बमले उडेको छ ) लाई स्ट्रेचरमा राखेर लगिएको छ । यद्यपि भिडियोमा प्रष्ट अनुहार भने देखिएको छैन । अक्टोबर ७ तारिख हमास लडाकुहरु इजरायल प्रवेश गरी उत्सव मनाइरहेका र अन्य सर्वसाधारण मानिसहरुको अन्धाधुन्द हत्या र अपहरण गरेका थिए ।

हेर्नुहोस भिडियो ..

While Palestinian Authority claimed that the 7th Oct attack was carried out by IDF itself & not #Hamas_is_ISIS . #Israel found footage of a Nepalese & a Thai hostage being moved into Al Shifa Hospital on the said date. Is the Hospital still in Palestine?pic.twitter.com/uJZNCTxsMp

— Pranav Pratap Singh (@PranavMatraaPPS) November 19, 2023